Skýja-API

API vinnuflæði

Þú getur byggt eiginleika til vinnslu myndskeiða inn í vefsvæðið þitt eða forrit fyrir síma. Sendu myndskeiðin inn á tilvik af OpenShot Cloud API-forritsviðmóti, útbúðu þín eigin sniðmát eða breyttu þeim handvirkt í gegnum RESTful API-forritsviðmót, myndgerðu myndskeiðið, og sæktu svo niðurstöðuna aftur inn á vefsvæðið eða forritið.

Sniðmát fyrir mörg kerfi

OpenShot Video Editor (skjáborðsútgáfa) styður eftirfarandi stýrikerfi: Linux (flestar dreifingar), Windows (útgáfur 7, 8 og 10+), og OS X (útgáfa 10.15+). Verkefnisskrár eru einnig þverkerfissamhæfar, sem þýðir að þú getur vistað myndbandsverkefni í einu stýrikerfi og opnað það í öðru, þar með talið í OpenShot Cloud API. Öll OpenShot-eiginleikar eru í boði á öllum kerfum.

Tungumálalaust

Um það bil öll forritunarmál og stýrikerfi eru samhæfanleg við OpenShot Cloud API, þökk sé REST-væna API-forritsviðmótinu okkar. Allt sem þú þarft er hæfileikinn til að senda POST og GET á vefsíður, þá getur þú byggt eiginleika til vinnslu myndskeiða inn í forritið þitt. Þetta virkar með JavaScript, Python, Java, Ruby, C#, Bash, Android, iOS, og eiginlega hverju því sem þér dettur í hug!

Tímalína & brautir

Spor eru notuð til að lagskipta myndum, myndskeiðum og hljóði í verkefni. Þú getur útbúið eins mörg lög og þér sýnist, til dæmis vatnsmerki, bakgrunnshljóðrásir, bakgrunnsmyndskeið, o.s.frv... Allt gegnsæi mun birta lagið/lögin fyrir neðan. Rásir er hægt að færa upp, niður eða læsa þeim.

Stýringar klippu

Myndbúta á tímalínu er hægt að laga til á ýmsa vegu, til dæmis með kvörðun, utanskurði, snúningi, gegnsæi, gripi og breytingum á X,Y hnitum. Þessi eigindi má einnig hreyfa til miðað við tíma með örfáum músarsmellum! Þú getur líka notað umbreytingartólið til að breyta stærð myndbúta á gagnvirkan máta.

Samsetning & yfirlag

Þegar myndbútum er raðað upp í myndskeiðsverkefni, birtast myndir á efri lögum/sporum ofan á þeim sem eru neðar. Rétt eins og í pappísstafla, hylja þessar efri því þær neðri. Og ef þú klippir í þær göt (með gegnsæi) munu neðri myndirnar birtast í gegn.

Titlar

Yfir 40 sniðmát með vigurteiknuðum skjátitlum koma með uppsetningu OpenShot, sem gerir innsetningu skjátitla auðvelda og skemmtilega. Þú getur líka búið til þína eigin SVG vigurtitla, og notað þá sem sniðmát. Fljótlegt er að breyta letri, lit og texta í titlunum þínum með hjálp innbyggða titlaritilsins okkar.

Hljóðblöndun

OpenShot er með marga góða eiginleika til hljóðvinnslu, svo sem eins og birtingu bylgjuforma á tímalínunni, eða að myndgera þessi bylgjuform sem hluta af sjálfu myndskeiðinu. Þú getur líka klofið hljóð frá myndskeiðsbútum og einnig stillt hverja hljóðrás sérstaklega.

Sjónræn áhrif

OpenShot inniheldur margar myndrænar sjónhverfingar (og fleiri á leiðinni). Dragðu sjónhverfingu ofan á myndskeiðsbút og aðlagaðu svo eigindi hennar (sumum er hægt að stýra með hreyfingum). Aðlagaðu birtustig, litróf, litblæ, grátóna, bakgrunnsútskipti, og margt margt fleira! Saman með millifærslum, hreyfingum og tímastýringum, gerir þetta OpenShot að ákaflega öflugum hugbúnaði til vinnslu myndskeiða.

Lykilrammar

OpenShot kemur með öflugt lykilramma-hreyfingarkerfi, sem gerir kleift að nota ótakmarkaðan fjölda lykilramma og hreyfimöguleika. Brúunarhamur lykilramma getur verið ferningslaga bezier-ferlar, línulegur eða fasti, sem ákvarðar hvernig hreyfð gildi eru reiknuð.

Myndbandsflutningar

Yfir 400 millifærslur fylgja með OpenShot, sem gera kleift að stigdeyfa úr einum myndbút yfir í annan. Hraða og skerpu millifærslna má einnig aðlaga með notkun lykilramma (ef þörf er á). Tveir myndbútar sem skarast munu sjálfkrafa búa til nýja millifærslu.

Tímastýring

Stjórnaðu krafti tímans með OpenShot! Hraðaðu og hægðu á myndbútum. Snúðu við stefnu myndskeiða. Eða stýrðu handvirkt hreyfingum á tíma og stefnu myndskeiða eins og þér hentar, með hjálp hins öfluga hreyfingakerfis sem byggist á lykilrömmum.

Snið

Byggt á hinu öfluga FFmpeg-bókasafni, OpenShot getur lesið og skrifað flest myndbands- og myndasnið. Til að sjá fullan lista yfir studd snið, skoðaðu FFmpeg-verkefnið. Útflutningsgluggi OpenShot er sjálfgefið stilltur á nokkur algeng snið, en með ítarlegum flipum geturðu notað hvaða FFmpeg-snið sem er.

Greiða eftir notkun

Verðlagning á OpenShot Cloud API styðst við SAAS-líkan, mjög áþekkt því hvernig Amazon verðleggur tilvik netþjóna. Þú borgar einungis fyrir þær klukkustundir sem þú keyrir hvert tilvik. Stoppaðu hvenær sem er, án fyrirfram-skilgreindra kvaða. Rukkanir eru meðhöndlaðar sjálfvirkt af Amazon í lok hvers mánaðar... byggt á þeim klukkustundum sem tilvik voru í gangi. Flestir samkeppnisaðilar verðleggja eftir hverri mínútu af myndgerðum myndskeiðum, en slík kostnaðarlíkön eru mjög dýr og er erfitt að kvarða fyrir breytta notkun. Með OpenShot Cloud API, ertu með lágan, flatan taxta á klukkustund, burtséð frá því hve mörg þúsund mínútur þú ert kannski að myndgera.

Yfirlit

Verðin byrja í $0.15 / tilviks-klukkustund (um það bil $108/mánuði USD ef í stöðugri keyrslu), það er án kostnaðar við keyrslu Amazon EC2 netþjóna.

Styður opinn hugbúnað

Hagnaður af OpenShot Cloud API er notaður af OpenShot Studios, LLC til þróunar á OpenShot Video Editor, verðlaunuðum hugbúnaði til vinnslu myndskeiða. Þannig að þú ert ekki einungis að vinna myndskeið í tölvuskýi, þú ert líka að styðja við opinn og frjálsan hugbúnað, sem notaður er af fólki út um víða veröld!